डॉ.सुनील गदादे यांचा वाढदिवस नवजीवन संगोपन केंद्र येथील गोरगरीब मुलांना शालेय दप्तरची मदत करून साजरा

वैभवशाली महाराष्ट्र न्यूज

आष्टी तालुका प्रतिनिधी

आष्टी तालुक्यात नवजीवन फाउंडेशन संचलित नवजीवन संगोपन केंद्र येथे अनाथ,निराधार,ऊसतोड मजूर,वीटभट्टी कामगार,आदिवासी,भटके विमुक्त,गरीब,वंचित,दुर्लक्षित घटकातील मुलांचा मोफत सांभाळ करून शिक्षण दिले जाते.*

*या नवजीवन संगोपन केंद्रास शासनाचे कोणत्याही प्रकारचे अनुदान किंवा मदत मिळत नाही सदरील केंद्र समाजातील दानशूर व्यक्तींच्या सहकार्यातून आणि मदतीतून चालवले जात आहे.*

*या अनाथ,निराधार मुलांना फुल ना फुलाची पाकळी मदत व्हावी.तसेच आपणही समाजाचे काही देणे लागतो या उदात्त भावनेने धानोरा येथील सुप्रसिध्द पशुधन विकास अधिकारी नेहमीच सामजिक कार्यास हात देऊन सहकार्य करणारे डॉ.सुनील गदादे यांनी आपला वाढदिवस अनावश्यक खर्च टाळून नवजीवन संगोपन केंद्र येथील गोरगरीब,अनाथ निराधार मुलांना शालेय बॅग देऊन सामाजिक उपक्रमाने साजरा केला.*

*डॉ.सुनील गदादे यांचा जन्म खूप सामान्य कुटुंबात झाला.पण आपल्या स्वतःच्या हिमतीवर पशूवैद्यकीय शिक्षण पूर्ण करून आष्टी सारख्या ग्रामीण भागात पशू सेवा हीच ईश्वर सेवा समजून गोरगरीब जनतेची अविरत सेवा करत आहेत.त्यांच्या या महान कार्यास या वाढदिवसाच्या निमित्ताने कोटी कोटी शुभेच्छा.त्यांच्या हातून अशीच प्रामाणिक सेवा घडो हि प्रार्थना.*

*वाढदिवसानिमित्त डॉ.सुनील गदादे यांचा सत्कार करून सन्मान करण्यात आला.यावेळी लोकमत चे पत्रकार अविनाश कदम,वसंत लष्कर,अजिंक्य म्हस्के,विकास म्हस्के उपस्थित होते.*

*कार्यक्रमाच्या शेवटी नवजीवन संगोपन केंद्र संस्थापक अध्यक्ष विकास म्हस्के मेजर यांनी सर्वांचे मनापासून आभार मानले.*